Tagumpay ng Lakbay-Takbong Angat 2026, Muling Ibinida ng LGU Angat
Inilabas ng Pamahalaang Bayan ng Angat ang opisyal na video highlights ng Lakbay-Takbong Angat 2026, na nagpapakita ng masigla, maayos, at matagumpay na pagtatapos ng taunang takbuhan sa bayan.
Bukod sa mismong takbuhan, itinampok sa mga larawan at bidyo ang matatag na samahan at kasiyahan ng komunidad, kasama ang inihandang libreng kainan at refreshments para sa lahat ng mga dumalo at nakiisa.
Nagpaabot ng taos-pusong pasasalamat ang pamahalaang bayan sa lahat ng mga tumakbo (runners), sponsors, partners, volunteers, at support staff. Nagbigay rin ng natatanging pagkilala ang munisipyo sa Angat Runners para sa kanilang malaking ambag at tulong mula sa pagpaplano hanggang sa mismong araw ng aktibidad.
Pinasalamatan din ng komunidad at ng mga tagapag-organisa si Punong Bayan Igg. Reynante “Jowar” Bautista sa kanyang patuloy na suporta at pamumuno sa mga gawaing pampalakasan at pampublikong aktibidad na nagtataguyod ng kalusugan, saya, at pagkakaisa ng mga Angatenyo.
Comments