Ronda sa Umaga: Angat PNP, Nag-Mobile Patrolling sa Brgy. Marungko

Upang masiguro ang kapayapaan at kaligtasan ng publiko, naglunsad ng masusing Mobile Patrolling ang mga tauhan ng Angat Municipal Police Station (MPS) sa mga pangunahing kalsada at komunidad ng Barangay Marungko, Angat, Bulacan ngayong Hulyo 3, 2026.

Ang pagpapatrulya gamit ang mga opisyal na sasakyan ng pulisya ay nagsimula sa ganap na 5:48 ng umaga sa ilalim ng direktang pangangasiwa ni Police Major Joel M. Alba, ang Acting Chief of Police (ACOP) ng Angat MPS.

Pangunahing layunin ng aktibidad na ito na mapanatili ang kapayapaan at kaayusan, maiwasan ang anumang uri ng kriminalidad, at tiyakin ang kaligtasan ng mga mamamayan sa kanilang pag-alis sa umaga. Ayon sa pamunuan, ang aktibong presensya ng mga pulis sa mga barangay ay isang epektibong paraan upang mapigilan ang mga masasamang elemento at mas mapatibay ang pakiramdam ng seguridad ng mga residente.

Muli namang nagpaalala ang Angat PNP sa publiko na sa oras ng anumang hindi inaasahang sakuna o emergency, maaari silang makipag-ugnayan sa Unified Emergency Hotline na 911 na bukas at handang tumugon 24/7.

https://youtu.be/zzubKdAB1u4