Risk Assessment sa Barangay Donacion at Taboc, Isinagawa ng MDRRMO

Bumaba ang Municipal Disaster Risk Reduction and Management Office (MDRRMO) sa Barangay Donacion at Barangay Taboc sa pangunguna ni G. Carlos R. Rivera Jr., MGDH I upang isagawa ang isang risk assessment sa lugar.

Layunin ng aktibidad na tukuyin ang mga lugar na maaaring maapektuhan ng kalamidad at maglatag ng mga karampatang solusyon upang mas maprotektahan ang komunidad laban sa posibleng panganib. Naging aktibo at konsultatibo ang pakikilahok ng mga residente, na nagbigay ng mahalagang impormasyon hinggil sa kanilang mga karanasan at obserbasyon sa lugar.

Pinapaalalahanan ang lahat na maging handang laging alerto sa oras ng kalamidad. Para sa anumang emergency, maaaring tumawag sa Angat Rescue Hotline: 0923-926-3393 / 0917-710-5087.