Purok ng Libis na Malaki, Muling Isinalang sa Weekly Clean-Up Drive ng Brgy. Sulucan

Hindi natitinag ang diwa ng bayanihan sa Barangay Sulucan matapos muling magsagawa ng Weekly Clean-Up Drive ang mga residente at opisyal sa bahagi ng Purok ng Libis na Malaki nitong Sabado, Hunyo 20, 2026.

Ang paglilinis na ito ay bahagi ng patuloy na programa ng barangay upang mapanatiling ligtas sa mga sakit at baha ang komunidad, partikular na sa mga mabababang lugar, ngayong pumasok na ang panahon ng mga pag-ulan. Sa pamamagitan ng pagtutulungan, sama-samang nilinis ang mga kalsada at tinanggal ang mga basura sa mga daluyan ng tubig upang maiwasan ang pagbara at pag-imbak ng mga lamok.

Malaki ang pasasalamat ng Pamunuan ng Barangay Sulucan sa lahat ng mga ka-barangay mula sa Libis na Malaki na nag-alay ng kanilang oras at lakas para sa aktibidad. Ayon sa pamunuan, ang ganitong uri ng pakikiisa at kooperasyon ang patuloy na nagbubuklod sa barangay upang mapanatiling malinis, maayos, at ligtas ang buong kapaligiran.