Purok Luwasan at Central, Isinalang sa Road Clearing at Weekly Clean-Up Drive ng Brgy. Sulucan

Patuloy ang pagpapakita ng disiplina at bayanihan ng mga residente matapos isagawa ang sabayang Road Clearing at Weekly Clean-Up Drive sa bahagi ng Purok Luwasan at Purok Central nitong Sabado, Hunyo 13, 2026.

Ang operasyon ay bahagi ng mas pinalawak na kampanya ng Barangay Sulucan upang hindi lamang mapanatili ang kalinisan, kundi maging ang kaligtasan sa mga kalsada. Bukod sa karaniwang paglilinis ng mga baradong kanal at pagpupulot ng mga kalat, tinutukan din sa aktibidad na ito ang pag-aalis ng mga obstructions o mga sagabal sa daan upang masiguro ang ligtas at maluwag na daanan para sa mga motorista at pedestrian.