Police Visibility sa Colegio de Sta. Monica, Isinagawa ng Angat MPS

Upang patuloy na tiyakin ang seguridad at kaayusan sa mga pampublikong at pribadong pasilidad ng edukasyon, naglunsad ng Police Visibility ang mga tauhan ng Angat Municipal Police Station (MPS) sa Colegio de Sta. Monica sa Barangay Sta. Cruz ngayong Hulyo 9, 2026, simula ika-6:40 ng umaga.

Isinagawa ang naturang pagbabantay at pagpapatrolya sa ilalim ng direktang pangangasiwa ni Police Major Joel M. Alba, Acting Chief of Police (ACOP) ng Angat MPS.

Ayon sa Angat MPS, ang pangunahing layunin ng patuloy na presensya ng pulisya sa mga paaralan ay upang panatilihin ang isang ligtas, payapa, at maayos na pamayanan ng pagkatuto. Sa pamamagitan nito, malayang makatutok sa pag-aaral at pagtuturo ang mga estudyante, guro, at kawani nang walang anumang pangamba sa banta ng krimen o gulo.