Police Visibility sa Binagbag Elementary School, Isinagawa ng Angat MPS

Upang tiyakin ang seguridad ng mga mag-aaral at guro sa kanilang pagbabalik-eskwela, naglunsad ng Police Visibility ang mga tauhan ng Angat Municipal Police Station (MPS) sa Binagbag Elementary School sa Barangay Binagbag noong Linggo, Hulyo 26, 2026, simula ika-7:00 ng umaga.

Isinagawa ang naturang pagbabantay at pagpapatrolya sa ilalim ng direktang pangangasiwa ni Police Major Joel M. Alba, Acting Chief of Police (ACOP) ng Angat MPS.

Ayon sa pamunuan ng Angat MPS, ang pangunahing layunin ng police visibility sa mga paaralan ay upang matulungang panatilihin ang isang ligtas, payapa, at maayos na pamayanan kung saan ang mga mag-aaral, guro, at kawani ng eskwelahan ay makatutok sa edukasyon nang walang pangamba sa anumang banta ng krimen o gulo.

Binigyang-diin ng Angat MPS na ang regular na pagbisita sa mga paaralan ay bahagi ng kanilang pangkalahatang programa para sa pagpapanatili ng kapayapaan at kaayusan sa buong bayan ng Angat.

Pinaalalahanan din ang publiko, mga guro, at mga magulang na sa oras ng anumang emergency, maaari silang makipag-ugnayan agad sa pambansang hotline:

"In case of emergency, Dial 911 — the Unified Emergency Hotline available 24/7 for immediate response."