Parol Contest sa Barangay Niugan

Opisyal na ibinahagi ng Sangguniang Barangay ng Niugan ang matagumpay na pagtatapos ng kanilang Parol Contest. Sa ilalim ng liderato ni Punong Barangay Hon. Roberto Maximo, naging sentro ng pagdiriwang ang pagkamalikhain ng bawat purok gamit ang mga recyclable materials.

Hindi lamang ganda ang ipinamalas ng mga kalahok kundi pati na rin ang malasakit sa kapaligiran. Ang bawat parol na gawa sa mga ni-recycle na materyales ay nagsilbing simbolo ng diwa ng Pasko at ng pagkakaisa ng mga residente sa bawat purok.

Naging posible ang tagumpay ng aktibidad dahil sa masigasig na pangunguna ng mga sumusunod na Kagawad:

• Purok 1: Kagawad Luisa De Guzman

• Purok 2: Kagawad Lucy Rivera

• Purok 4: Kagawad Brian Santos

• Purok 5: Kagawad Joey Santos

• Purok 6: Kagawad Atilano

• Purok 7: Kagawad Eric Ramos

Nagpaabot ng taos-pusong pasasalamat si PB Roberto Maximo sa lahat ng mga kabarangay na nag-alay ng kanilang oras at talento upang gawing mas maliwanag at masaya ang Barangay Niugan ngayong taon.