Pakikiisa sa World Population Day 2026, Binigyang-Diin ng Angat MPS

Nakiisa ang Bulacan Police Provincial Office (PPO) - Angat Municipal Police Station (MPS) sa taunang pagdiriwang ng World Population Day 2026 ngayong Hulyo 11, 2026.

Ang naturang pandaigdigang pagdiriwang ay naglalayong maghatid ng kamalayan ukol sa mga usaping may kaugnayan sa populasyon, tulad ng pagpaplano ng pamilya, kalusugan, pagkakapantay-pantay ng kasarian, at sustainable development para sa kinabukasan ng bawat komunidad.

Sa ilalim ng opisyal na tema ng United Nations ngayong taon na "Realizing the hopes and aspirations of young people – today and for the future," binigyang-diin ng Angat MPS ang kahalagahan ng pagsuporta sa mga mithiin ng kabataan at sa pagbuo ng isang ligtas na kapaligiran para sa kanilang paglaki at pag-unlad.