Pagdiriwang ng National Children’s Month, Binibigyang-Diin ang Proteksyon Laban sa Online Exploitation

ANGAT, BULACAN — Nakikiisa ang National Nutrition Council (NNC) sa buong bansa sa paggunita ng National Children’s Month ngayong Nobyembre, na may temang:

“OSAEC-CSAEM Wakasan: Kaligtasan at Karapatan ng Bata, Ipaglaban!”

Ang selebrasyong ito ay layong bigyang pansin ang lumalalang banta ng Online Sexual Abuse and Exploitation of Children (OSAEC) at ang pagkalat ng Child Sexual Abuse or Exploitation Materials (CSAEM). Isang mahigpit na panawagan ito upang ipaglaban ang karapatan ng mga bata na lumaki sa ligtas, mapag-aruga, at mapanagutang kapaligiran—mapa-online man o sa totoong buhay.

Binigyang-diin din ng NNC ang kahalagahan ng sapat na nutrisyon bilang bahagi ng proteksyon at pag-unlad ng kabataan. Ayon sa ahensya, ang isang batang may tamang nutrisyon ay mas malusog, mas may kumpiyansa sa sarili, at mas may kakayahang maabot ang kanyang buong potensyal.