Oplan Firefly, Inilunsad ng Angat PNP sa Celestial City

Bilang bahagi ng mas pinalakas na seguridad sa pagtatapos ng taon, isinagawa ng Angat Municipal Police Station (MPS) ang "Oplan Firefly" sa Celestial City Bazaar, Brgy. San Roque ngayong gabi ng Disyembre 30, 2025.

Ang naturang operasyon ay pinangunahan ni PCPT Lydio Venigas, Duty OD, sa ilalim ng direktiba ni PCPT Jayson M. Viola, OIC ng Angat MPS. Layunin ng Oplan Firefly na higit pang paigtingin ang police visibility at presensya ng mga awtoridad sa mga matataong lugar bilang hakbang laban sa anumang ilegal na aktibidad. Sa pamamagitan ng estratehikong pagbabantay na ito, tinitiyak ng pulisya na mananatiling payapa, maayos, at ligtas ang kapaligiran para sa mga mamimili at negosyante sa loob ng bazaar.