"No to CPP-NPA Recruitment", Isinusulong ng Angat Police Station

Upang maprotektahan ang kabataan, mamamayan, at mga komunidad mula sa linlang ng mga rebeldeng grupo, masigasig na isinusulong ng Angat Municipal Police Station (MPS) ang kampanyang "No to CPP-NPA Recruitment" sa buong bayan ng Angat.

Ang inisyatibong ito ay bahagi ng patuloy na adbokasiya ng Pambansang Pulisya ng Pilipinas (PNP) at ng pamahalaan upang wakasan ang armadong sigalot at maiwasan ang pagre-recruit ng Communist Party of the Philippines - New People's Army (CPP-NPA) sa mga pampublikong sektor at sektor ng kabataan.

Pinaalalahanan ng Angat MPS ang publiko na ang tunay na kaunlaran at kapayapaan ay makakamtan sa pamamagitan ng pagkakaisa at pagsunod sa batas. Hinihimok ang lahat na agad na ipagbigay-alam sa mga awtoridad ang anumang kaduda-dudang aktibidad o panlilinlang na may kaugnayan sa rekrutment sa kanilang lugar.