Niugan, Tinapos ang Buwan ng Enero sa Pamamagitan ng Isang Masusing Clean-Up Drive

Bilang pagpapatuloy sa kanilang adbokasiya para sa kalinisan, matagumpay na isinagawa ng Sangguniang Barangay ng Niugan ang kanilang Clean-Up Drive ngayong ika-31 ng Enero, 2026.

Ang aktibidad na ito ay nagsilbing "Post-Fiesta Clean-Up" upang masigurong malinis na ang lahat ng sulok ng barangay matapos ang sunod-sunod na pagdiriwang para sa kapistahan ni San Pablo Apostol noong nakaraang linggo. Nakatuon ang operasyon sa pag-aalis ng mga natitirang basura sa mga kanal at paglilinis ng mga pampublikong lugar gaya ng Covered Court at main highway.

Ayon sa pamunuan ng barangay, ang pagtatapos ng unang buwan ng taon nang may malinis na kapaligiran ay magandang hudyat para sa mas masiglang pagsisimula ng Pebrero. Nagpasalamat ang konseho sa mga Barangay Tanod at volunteers na walang sawang naglilingkod upang mapanatili ang kaayusan at kagandahan ng Barangay Niugan.