Malapit nang maging isang ganap na ordinansa ang panukalang mahigpit na pagpapatupad ng pagkakaroon ng Closed Circuit Television (CCTV) ng lahat ng mga large business establishments sa Bayan ng Angat.
Sa ginanap na public hearing kahapon, inilahad ng Sangguniang Bayan ng Angat sa madla ang mga benepisyo ng paglalagay ng mga CCTV lalo na sa usaping seguridad at proteksyon sa mga negosyo at maging sa komunidad.
Malugod naman ang naging pagtanggap ng mga nagsidalo sa nasabing panukala. Kung ang lahat ng malalaking negosyo ay magkakaroon ng CCTV, maiiwasan ang mga nakawan at mga krimen.
Makakatulong ito upang mapanatili ang katahimikan at kaayusan sa Bayan ng Angat.
.png)
