Municipal Engineering Office, Pinangunahan ang Lingguhang Flag Raising Ceremony sa Angat

Isang makabuluhan at pinagpalang pagsisimula ng linggo ang hinarap ng mga lingkod-bayan matapos matagumpay na isagawa ang lingguhang seremonya ng pagtataas ng watawat na sinundan ng isang Banal na Misa sa compound ng Pamahalaang Bayan.

Ang pagtataas ng watawat ngayong umaga ay pinangunahan ng mga dedikadong kawani mula sa Municipal Engineering Office.

Nakiisa sa pambansang seremonya si Punong Bayan Igg. Reynante S. Bautista, kasama sina Konsehal JP Solis, Konsehal Wowie Santiago, at Konsehal Blem Cruz. Dumalo rin ang mga pinuno ng iba't ibang tanggapan, mga kinatawan mula sa Angat PNP at Angat BFP, pati na rin ang buong puwersa ng mga kawani ng lokal na pamahalaan upang ipakita ang nagkakaisang suporta sa tuluy-tuloy na serbisyo publiko.