Mga Transaksyon sa Barangay San Roque, Ililipat na sa Bagong Barangay Hall

Nagpalabas ng mahalagang paalala ang pamunuan ng Barangay San Roque ukol sa opisyal na paglipat ng lahat ng transaksyon ng pamahalaang barangay sa kanilang bagong Barangay Hall simula sa darating na Lunes, Mayo 18, 2026.

Ang bagong gusali ay matatagpuan sa likod ng bagong Municipal Building at sa tabi ng San Roque Basketball Court.

Kaugnay nito, pinapayuhan ang lahat ng mga residente na may aasikasuhing dokumento o iba pang pakikipag-ugnayan sa pamunuan na magtungo na sa bagong lokasyon sa nasabing petsa. Nagpapasalamat ang Sangguniang Barangay sa patuloy na pag-unawa at kooperasyon ng buong komunidad para sa mas maayos at mas mabilis na serbisyo.