MENRO Angat, Nakikiisa sa Pagdadalamhati ng Pamilya ni G. Roland Lee

Isang malungkot na balita ang tinanggap ng komunidad ng mga tagapangalaga ng kalikasan sa lalawigan ng Bulacan sa pagpanaw ni G. Thiongpe Roland R. Lee, ang iginagalang na pinuno ng Municipal Environment and Natural Resources Office (MENRO) ng Norzagaray.

Sa ngalan ng buong tanggapan ng MENRO Angat, kaisa ang lokal na pamahalaan sa pangunguna ni Mayor Reynante "Jowar" S. Bautista, ipinapaabot ang taos-pusong pakikiramay sa pamilya, mga kaibigan, at mga kawani ng Pamahalaang Bayan ng Norzagaray na naulila ni G. Lee.

Bilang kapwa lingkod-bayan at katuwang sa pangangalaga sa ating likas na yaman, kinikilala ng MENRO Angat ang dedikasyon at naging kontribusyon ni G. Lee sa pagtataguyod ng mga programang pang-ekolohiya sa karatig-bayan ng Norzagaray. Ang kanyang serbisyo ay magsisilbing inspirasyon sa mga kasama sa larangan ng pangangalaga sa kapaligiran.

Ang buong sektor ng MENRO sa Bulacan ay nagkakaisa sa panalangin para sa payapang paglalakbay ng isang tapat na lingkod-bayan.