MDRRMO Angat, Nagbigay-Suporta sa Isinagawang “Color Fun Run with a Cause” ng Kabataang Angateño

angat bulacan
Sep 1
2 min read

Angat, Bulacan — Nakiisa ang Municipal Disaster Risk Reduction and Management Office (MDRRMO) ng Bayan ng Angat sa matagumpay na “Color Fun Run with a Cause” na pinangunahan ng Pederasyon ng Sangguniang Kabataan ng Angat (SK Federation of Angat, Bulacan) noong Agosto 31, 2025, na may temang “Every Step Counts.”

Layunin ng aktibidad na ito na hikayatin ang kabataan na makilahok sa mga programang pangkalusugan at pangkomunidad, habang sabay na nagtitipon para sa isang makabuluhang adhikain.

Suporta mula sa MDRRMO at Angat Rescue Team

Sa pangunguna ni G. Carlos R. Rivera Jr., Municipal Government Department Head I (MDRRMO), at sa pakikipag-ugnayan ni Hon. Mary Grace Evangelista, SK Federation President, naglaan ang MDRRMO ng karampatang suportang medikal at pangseguridad para sa buong aktibidad.

Itinalaga ang Angat Rescue Team sa mga checkpoint areas upang matiyak ang kaligtasan ng mga kalahok at maagap na makaresponde sakaling magkaroon ng insidente.

Matiwasay na Pagsasagawa ng Aktibidad

Ayon sa ulat ng MDRRMO, naging maayos, masigla, at ligtas ang buong pagsasagawa ng fun run. Wala ring naiulat na anumang aksidente o medikal na insidente sa kabuuan ng programa.

Pinuri ng pamunuan ng SK Federation ang patuloy na pakikipag-ugnayan at suporta ng MDRRMO sa mga inisyatibang pangkabataan na nagtataguyod ng kalusugan, disiplina, at pagkakaisa sa komunidad.

Pahayag ng Lokal na Pamahalaan

Ayon kay Punong Bayan Hon. Reynante “Jowar” S. Bautista, patuloy na susuportahan ng lokal na pamahalaan ang mga programa ng kabataan, lalo na ang mga aktibidad na nagpapalakas ng partisipasyon ng mga kabataang Angateño sa adbokasiyang pangkaunlaran at pangkaligtasan.