MDRRMC at Municipal Nutrition Council, Nagsanib-Pwersa para sa 1st Quarterly Meeting

Upang masiguro ang kaligtasan at kapakanan ng bawat mamamayan, matagumpay na idinaos ang 1st Quarterly Meeting ng Municipal Disaster Risk Reduction and Management Council (MDRRMC) at Municipal Nutrition Council nitong nagdaang linggo sa Municipal Auditorium.

Ang pagpupulong ay dinaluhan ng mga kinatawan mula sa iba’t ibang tanggapan ng pamahalaang bayan at mga lider mula sa iba’t ibang sektor. Layunin ng pagtitipon na suriin ang mga nakamit na programa sa unang tatlong buwan ng taon at ilatag ang mga estratehikong plano para sa susunod na mga buwan.

Sa panig ng MDRRMC, binigyang-diin ang mga ulat sa operasyon at ang mga proyektong nakatuon sa disaster preparedness upang matiyak na ang bawat barangay ay handa at alerto sa anumang banta ng sakuna. Samantala, tinalakay naman ng Municipal Nutrition Council ang mga inisyatibo para sa pagsugpo sa malnutrisyon at ang pagpapalaganap ng wastong kaalaman sa pagkain nang tama sa buong komunidad.

Ayon sa pamunuan, ang pagpapatatag ng koordinasyon sa pagitan ng mga konseho ay susi sa pagbuo ng isang komunidad na hindi lamang matibay laban sa mga kalamidad, kundi malusog din ang bawat pamilya. Ang pagkakaisang ito ng iba’t ibang sektor ay nagsisilbing pundasyon para sa isang mas ligtas, mas malusog, at mas progresibong Bayan ng Angat.