Lingguhang Paglilinis: Barangay Niugan, Mas Pinaganda ang Kapaligiran

Muling nagkaisa ang mga opisyales at residente ng Barangay Niugan para sa isinagawang Weekly Clean-Up Drive ngayong Sabado, Abril 11, 2026.

Ang regular na aktibidad na ito ay bahagi ng patuloy na pagsisikap ng barangay na mapanatili ang kalinisan at protektahan ang kalusugan ng bawat pamilya sa pamamagitan ng pagpapanatili ng isang maayos at ligtas na kapaligiran.

Sa ilalim ng programang ito, tinutukan ang paglilinis ng mga pangunahing kalsada, pag-aalis ng mga nakabarang basura sa mga daluyan ng tubig, at pagsasaayos ng mga pampublikong espasyo sa bawat purok.

Lubos ang pasasalamat ng pamunuan ng barangay sa lahat ng mga volunteers at residenteng naglaan ng kanilang oras at lakas para sa proyektong ito. Ang inyong pakikibahagi ay patunay ng malasakit sa ating barangay.