Kalinisan sa Sulucan: Weekly Clean-up Drive, Isinagawa sa Purok ng Luwasan

Hindi naging hadlang ang pagdiriwang ng Araw ng mga Puso upang ipakita ang pagmamahal sa kapaligiran matapos matagumpay na maisagawa ang Weekly Clean-up Drive sa Purok ng Luwasan at sa paligid ng Barangay Hall nitong Sabado, ika-14 ng Pebrero, 2026.

Ang lingguhang aktibidad na ito ay bahagi ng adyenda ng Sangguniang Barangay upang mapanatili ang kalinisan, kaayusan, at kaligtasan ng mga residente laban sa mga sakit na dulot ng maruming paligid.