Kalinisan sa Niugan, Mas Pinatibay sa Huling Weekly Clean-Up Drive ngayong Abril

Sa patuloy na pagtataguyod ng isang malinis at malusog na komunidad, muling pinangunahan ng Sangguniang Barangay ng Niugan ang kanilang Weekly Clean-Up Drive ngayong Sabado, Abril 25, 2026.

Ang aktibidad na ito ay ang pang-apat at huling lingguhang paglilinis para sa buwan ng Abril, na nagpapatunay sa konsistensya ng pamunuan sa pagpapanatili ng kaayusan sa buong barangay.

Bitbit ang kanilang mga kagamitang panlinis, muling nagtulong-tulong ang mga opisyales ng barangay, mga volunteers, at mga residente upang maglinis.

Lubos ang kagalakan ng Sangguniang Barangay sa ipinakitang suporta ng mga mamamayan sa buong buwan ng Abril. Ang aktibong pakikilahok ng bawat isa ay susi upang maging epektibo ang mga kampanyang pangkalikasan at pangkalusugan ng barangay.