Kalinisan sa Komunidad, Patuloy na Itinaguyod sa Weekly Clean-Up Drive ng Brgy. Marungko

Muling nagbayanihan ang mga opisyal ng barangay at mga residente sa isinagawang Weekly Clean-Up Drive ngayong Sabado, Mayo 16, 2026.

Ang lingguhang aktibidad na ito ay bahagi ng masigasig na kampanya ng Brgy. Marungko upang masiguro ang kalinisan ng kapaligiran at maiwasan ang pag-usbong ng mga sakit, lalo na ang mga vectors tulad ng lamok na nagdadala ng dengue.

Nakapokus ang paglilinis sa pagtatanggal ng mga nakabara sa mga kanal, pag-aayos ng mga pampublikong espasyo, at pagwawalis sa mga pangunahing daanan ng barangay upang mapanatili ang kaayusan sa buong komunidad.

Muli namang nagpasalamat ang Sangguniang Barangay sa mga boluntaryo at residenteng patuloy na naglalaan ng kanilang oras tuwing Sabado para sa ikagaganda ng Marungko.