Kalinisan at Kaayusan: Barangay Niugan, Muling Naglinis ng Kapaligiran

Hindi natitinag ang diwa ng bayanihan sa Barangay Niugan matapos muling magsagawa ng Weekly Clean-Up Drive ang mga opisyales at residente ngayong Sabado, Abril 18, 2026.

Ang regular na aktibidad na ito ay bahagi ng masiglang kampanya ng barangay para sa kalinisan at sanitasyon, na naglalayong gawing mas ligtas at komportable ang pamumuhay ng bawat Niuganeo.

Sa pangunguna ng Sangguniang Barangay, nilibot ng mga volunteers ang mga pangunahing kalsada at eskinita upang puksain ang mga kalat at dumi.

Lubos ang pasasalamat ng pamunuan ng Barangay Niugan sa lahat ng mga kabarangay na patuloy na nakikilahok sa proyektong ito. Ayon sa pamunuan, ang tagumpay ng bawat paglilinis ay bunga ng pagtutulungan ng bawat isa.