Kaligtasan ng mga Nagsisimba, Tiniyak: Angat PNP, Nagsagawa ng Church Visitation at Police Visibility

Upang masiguro ang kapanatagan ng loob at kaligtasan ng mga mananampalataya, maagang naglunsad ng Church Visitation at Police Visibility ang mga tauhan ng Angat Municipal Police Station (MPS) sa makasaysayang Sta. Monica Parish Church sa Barangay Sta. Cruz, Angat, Bulacan ngayong Hulyo 2, 2026.

Nagsimula ang pagbabantay sa ganap na 6:01 ng umaga sa ilalim ng direktang pangangasiwa ni Police Major Joel M. Alba, Acting Chief of Police (ACOP) ng Angat MPS.

Pangunahing layunin ng aktibidad na ito na tiyakin ang seguridad at kaligtasan ng mga nagsisimba, mga kaparian at manggagawa ng simbahan, pati na rin ng mga bumibisitang deboto habang isinasagawa ang mga gawaing panrelihiyon. Ang presensya ng mga kapulisan sa paligid ng simbahan ay malaking tulong upang mapanatili ang kapayapaan at kaayusan, at maiwasan ang anumang insidente ng krimen o panggugulo.

Sa pamamagitan ng programang ito, patuloy na pinalalakas ng Angat PNP ang ugnayan ng kapulisan at ng simbahan tungo sa isang mapayapang komunidad.

Samantala, muling ipinaalala ng pamunuan na sa oras ng anumang hindi inaasahang emergency, maaari agad tumawag sa Unified Emergency Hotline na 911 na bukas 24/7 para sa mabilis na pagtugon ng awtoridad.