High-Visibility Patrol, Isinagawa ng Angat PNP sa Collegio de Sta. Monica

Upang masiguro ang kaligtasan ng publiko, masigasig na naglunsad ng Police Visibility Patrol ang mga tauhan ng Angat Municipal Police Station (MPS) sa tapat at paligid ng Collegio de Sta. Monica ngayong ika-20 ng Mayo, 2026.

Ang nasabing operasyon na nagsimula sa ganap na alas-9:30 ng umaga ay pinamunuan ni PSSg Castro, Patrol PNCO, sa ilalim ng direktang gabay at pamumuno ni PMAJ JOEL M. ALBA, Acting Chief of Police (ACOP) ng Angat MPS.

Ikinasa ang pagpapatrulya sa bahagi ng Collegio de Sta. Monica na matatagpuan sa Barangay San Roque. Ang estratehikong presensya ng mga unipormadong pulis sa labas ng unibersidad/paaralan ay naglalayong mapigilan ang anumang balak na pagsasagawa ng krimen at ayusin ang daloy ng trapiko sa tapat ng eskwelahan, partikular na ang pagpapasunod sa mga regulasyon ng trapiko upang maiwasan ang mga sakuna at matiyak ang kaligtasan ng lahat.