Hapag ng Pamana (GulayAngat Cooking Contest)
- Angat, Bulacan
- Oct 23, 2022
- 1 min read
Updated: Oct 30, 2022
Kasabay ng pormal na pagbubukas ng pagdiriwang ng GulayAngat Festival ay ang paglulunsad ng Hapag ng Pamana (GulayAngat Cooking Contest) kung saan labing-anim na kalahok mula sa lahat ng barangay sa Angat ang nagluto ng kanilang sariling recipe na ang pangunahing sangkap ay ang mga gulay na inaani sa ating bayan.
Sa pagkakataong ito, nakamit ng Barangay Marungko ang unang Gantimpala na nagluto ng Eggplant Roll with Beef & Squash kung saan si Gng. Jhenny De Guzman Bagay ang pangunahing tagapagluto.
Pumangalawa naman sina G. Ronaldan Ignacio at Vinna Rodriguez sa kanilang lutong pinangalanang Pakbet ni Jowar at pumangatlo sina Gng. Fe Duazo at Remedios Fijedoro sa kanilang Pork Express with Vegetable Sauce.
Magkakamit ng P10,000 ang nagkamit ng unang gantimpala samantalang P7,000 at P5,000 naman ang Ikatlo. Anga mga hindi pinalad na magwagi ay tumanggap ng tig-P2,000.
Layunin ng Hapag ng Pamana na itampok ang kakayahan ng mga Angatenyo na makapaghanda ng masasarap na putaheng gulay ang pangunahing sangkap upang sa hinaharap, isa ito sa magsisilbing atraksyon para sa mga turista at magtatampok sa bayan ng Angat na lunduyan ng mga mahuhusay sa kusina.
Comments