top of page
bg tab.png

Hapag ng Pamana (GulayAngat Cooking Contest)

Updated: Sep 8, 2022



Gulay ang isa sa mga pangunahing produkto at lubhang ipinagmamalaki ng bayan ng Angat dahil sa malawak na taniman at masaganang ani nito. Maraming mamamayan ang nabubuhay dahil sa pagtatanim at pag-aani at pagbebenta ng gulay.


Ang konsepto ng patimpalak na ito ay sumasalamin sa ating kultura at tradisyon. Ang pangunahing layunin nito ay maipakilala ang produktong ipinagmamalaki sa bayan ng Angat. Ang gulay ang magiging pangunahing sangkap at magiging tuon sa patimpalak na ito..


PATAKARAN AT REGULASYON

1. Ang kompetisyon ay bukas sa mga Angatenyo na may angking kakayahan at husay sa pagluluto. Bawat isang pangkat-kalahok ay bubuuin ng dalawang tao—ang Pangunahing Tagapagluto at ang Katuwang sa Pagluluto.

2. Bawat kalahok ay kailangang magdala ng kanilang gagamiting kasangkapan sa pagluluto tulad ng kalan, gas, kawali, kaldero, sandok, kutsilyo, plato at iba pang kagamitang sa tingin nila ay kakailanganin nila upang makapagluto nang maayos.

3. Ang komite ang magbibigay ng mga gulay at pansahog na lulutuin sa patimpalak. Nakatipon sa isang mesa ang mga sangkap na gagamitin. Bago magsimula ang patimpalak ay ia-anunsyo ng Komite ang mga pangunahing sangkap na gagamitin sa pagluluto. Bibigyan ng sampung (10) minuto ang bawat kalahok upang kuhanin ang mga pangunahing sangkap at ang mga pansahog na nais nilang gamitin.

4. Ang bawat inihandang putahe ay nararapat na maayos ang pagkakalagay sa plato para sa layunin ng patimpalak. Ang inilaang oras para sa paghahanda ng putaheng iluluto ay isa at kalahating oras.

5. Tiyaking sapat ang kukuhaning sangkap. Ikakaltas sa puntos ng kalahok ang hindi nila magagamit na sangkap.


Pamantayan

30% - Lasa at Sustansya

30% - Pagka-ORIHINAL at pagka-MALIKHAIN

40% - Kaangkupan sa tema (Pagsasalamin ng Katutubong Kultura at Tradisyong Angatenyo)

100% - Kabuuan


Mga Gantimpala P10,000 + TROPHY KAMPEON

P7,000 + TROPHY UNANG KARANGALAN

P5,000 + TROPHY IKALAWANG KARANGALAN

P 2,000 + CERTIFICATE CONSOLATION


Para sa iba pang detalye at pagpapatala, maaari po kayong makipag-ugnayan sa mga Secretary ng ating Sangguniang Barangay.


49 views0 comments

Comments


Angat_Logo.png
AsensoAtReporma (1).png

Republika ng Pilipinas

Pamahalaang Bayan ng Angat

Transparency_seal-01.png
FOI-logo.png

Scan the QR Code to install the app

qr code.JPG
bottom of page