Galing Angateño, Kinilala: Tagumpay ni Garcia sa Licensure Exam, Karangalan ng Bayan

Muling nagningning ang galing ng mga kabataang Angateño matapos matagumpay na makamit ni Trixia Faye Marri M. Garcia, RMT ang kanyang lisensya sa katatapos lamang na Medical Technologists Licensure Examination na ginanap nitong Marso 5–6, 2026.

Ang tagumpay na ito ay bunga ng ilang taong pagsusumikap, puyat, at dedikasyon sa pag-aaral ng agham pangkalusugan. Si Garcia ay nagtapos sa Baliuag University, sa ilalim ng College of Nursing and Allied Health Sciences, na isa sa mga institusyong katuwang sa paghubog ng kanyang kakayahan.

Sa isang opisyal na pahayag, nagpaabot ng taos-pusong pagbati ang Pamahalaang Lokal ng Angat. Binigyang-diin ng lokal na pamahalaan na ang tagumpay ni Garcia ay hindi lamang karangalan para sa kanyang pamilya at paaralan, kundi isang inspirasyon para sa buong bayan na patuloy na magsikap at mangarap nang matayog.