Clean-Up Drive, Muling Isinagawa ng Sangguniang Barangay ng Niugan

Patuloy ang pagpapakita ng bayanihan sa Barangay Niugan matapos muling magsagawa ng Clean-Up Drive ang Sangguniang Barangay kasama ang mga residenteng boluntaryo ngayong araw, May 23, 2026.

Ang lingguhang paglilinis na ito ay bahagi ng masiglang kampanya ng pamunuan upang mapanatiling ligtas, maayos, at malayo sa mga sakit ang buong komunidad. Sama-samang nilinis ng grupo ang mga baradong kanal, gilid ng mga kalsada, at mga pampublikong lugar sa barangay.

Muling nagpasalamat ang Sangguniang Barangay sa lahat ng mga nakiisa at nagpaalala sa publiko na ang pagpapanatili ng kalinisan sa tapat ng sariling bahay ay malaking tulong para sa kalusugan ng bawat pamilya.