Brgy. Sulucan, Nagsagawa ng ‘Weekly Clean-up Drive’ sa Purok 1 at 2

Bilang pagpapatuloy ng kampanya para sa isang malinis at ligtas na pamayanan, muling nagkaisa ang mga kawani at residente ng Barangay Sulucan para sa isinagawang Weekly Clean-up Drive nitong Sabado, ika-28 ng Pebrero, 2026.

Ang operasyon ng paglilinis ngayong linggo ay nakatuon sa mga kalsada at kapaligiran ng Tubao 1 at Tubao 2. Sa pangunguna ng Sangguniang Barangay, nilinis ang mga drainage, tinabas ang mga naglalakihang damo, at tinanggal ang mga nakatambak na basura upang masiguro ang maayos na daloy ng tubig at maiwasan ang banta ng mga sakit sa komunidad.

Nagpaabot ng malaking pasasalamat ang lokal na pamahalaan sa lahat ng mga nakiisa at nagpakita ng kanilang kooperasyon. Ayon sa pamunuan, ang disiplina at malasakit na ipinamalas ng mga residente sa Tubao 1 at 2 ay mahalagang bahagi ng layuning mapanatiling maayos, malinis, at kaaya-aya ang buong barangay.

Inaasahan na ang ganitong mga hakbang ay magpapatuloy sa iba pang mga purok upang matiyak ang kalusugan at kaligtasan ng bawat pamilyang taga-Sulucan sa bayan ng Angat.