Brgy. Sulucan, Nagkakaisa sa Lingguhang Clean-Up Drive para sa Kalikasan

Muling ipinamalas ng mga residente at opisyales ng Barangay Sulucan ang diwa ng bayanihan sa isinagawang Weekly Clean-Up Drive nitong Sabado, Abril 25, 2026.

Ang regular na aktibidad na ito ay bahagi ng adbokasiya ng barangay na mapanatiling malinis, ligtas, at maayos ang ating komunidad para sa kalusugan at kapakanan ng bawat pamilya sa Sulucan.

Lubos ang kagalakan ng pamunuan ng barangay sa ipinakitang suporta ng mga mamamayan na boluntaryong lumabas upang tumulong sa paglilinis ng mga kalsada, kanal, at mga pampublikong lugar.