Bayan ng Angat, muling umindak sa saya at kulay sa Indakan sa GulayAngat 2025
- Angat, Bulacan
- Oct 25
- 1 min read
GulayAngat 2025
ANGAT, BULACAN — Muling umindak sa saya, kulay, at pagkakaisa ang buong bayan sa Indakan sa GulayAngat 2025, isa sa mga tampok na aktibidad ng taunang GulayAngat Festival.
Sa bawat galaw at kumpas ng mga mananayaw, muling sumigla ang diwa ng kulturang Angateño, na ipinamalas sa pamamagitan ng malikhaing koreograpiya, makukulay na kasuotan, at masiglang pagganap ng mga kalahok mula sa iba’t ibang barangay.
Mga nagwagi sa Indakan sa GulayAngat 2025:
🏆 Unang Gantimpala: Barangay Niugan
🥈 Ikalawang Gantimpala: Barangay Sta. Cruz
🥉 Ikatlong Gantimpala: Barangay Taboc
Nagpaabot ng mainit na pagbati ang Pamahalaang Bayan ng Angat sa mga nagwagi, at taos-pusong pagpupugay sa lahat ng barangay na buong sigasig na lumahok sa patimpalak.
Bagama’t hindi lahat ay nag-uwi ng tropeo, tagumpay pa rin ang ipinakitang talento, disiplina, at pagkakaisa ng bawat Angateño—patunay ng matibay na pagmamahal sa sariling kultura.
Sa bawat indak at ngiti, dama ang diwa ng buhay na kulturang Angateño—buhay, makulay, at patuloy na umaangat!
