Bayan ng Angat at SEC-TAREO, Lumagda sa MOA

Ngayong araw, naganap sa Municipal Conference Hall ng ating bayan ang Memorandum Agreement sa pagitan ng Security & Exchange Commission - Tarlac Extension Office (SEC-TAREO).

Ito ay sa pangunguna ng ating Punong Bayan na si Reynante S. Bautista at kasama ang Municipal Administrator na si Noel Alquino, kasama rin sa pormalidad na ito ang Direktor ng SEC-Tarlac na si Atty. Richard Laus at si Mr. Jay S. Torres.

Layon ng kasunduang ito na magbigay ng dagdag na kaalaman at kasanayan sa mga lokal na asosasyon upang maging maingat sa pamamahala ng kanilang pananalapi at maiwasan ang mga investment scam na maaaring makaapekto sa kanilang hanapbuhay.