Barangay Niugan, Nagsagawa ng Clean-Up Drive

Matagumpay na naisagawa ng mga opisyales at residente ng Barangay Niugan ang isang Clean-Up Drive ngayong Abril 4, 2026.

Ang nasabing aktibidad ay bahagi ng patuloy na kampanya ng barangay upang matiyak ang kalinisan, kaayusan, at kalusugan ng bawat mamamayan sa pamamagitan ng pagpapanatili ng isang maaliwalas na kapaligiran.

Sa tulong ng mga volunteers at kawani ng barangay, nilinis ang mga pangunahing kalsada at mga daluyan ng tubig sa iba't ibang purok.

Lubos ang pasasalamat ng pamunuan ng barangay sa lahat ng mga residenteng nakiisa at nagpakita ng kooperasyon sa gawaing ito. Ang inyong suporta ay patunay na ang tunay na pagbabago ay nagsisimula sa pagtutulungan ng bawat isa.