Bagong Gusali, Bagong Yugto: 25 Proyekto bilang Pundasyon ng Mas Maunlad na Angat

Kasabay ng pormal na pagbubukas ng bagong tahanan ng lokal na pamahalaan, inilatag ni Punong Bayan Reynante "Jowar" S. Bautista ang 25 pangunahing proyekto na matagumpay na naisakatuparan mula taong 2022 hanggang 2025.

Ang mga proyektong ito ay nagsisilbing kongkretong patunay ng dedikasyon ng kasalukuyang administrasyon na iangat ang antas ng pamumuhay ng bawat Angateño. Mula sa modernong imprastraktura, pinalakas na serbisyong pangkalusugan, hanggang sa mga programang pangkabuhayan, ang bawat hakbang ay tinuon sa paggawa ng "tunay na serbisyo" na direktang nararamdaman ng mamamayan.

Ayon kay Mayor Jowar, ang paglipat sa bagong Municipal Building ay hindi lamang pagbabago ng lokasyon, kundi pagsisimula ng mas episyente at mas mabilis na paghahatid ng serbisyo. "Ang mga proyektong ating tinatapos ay hindi lamang istraktura; ang mga ito ay katuparan ng ating mga pangarap na sama-sama nating binuo noong 2022," pahayag ng alkalde.

Ang listahan ng 25 proyekto ay magsisilbing benchmark ng mabuting pamamahala habang tinatahak ng Angat ang susunod na yugto ng pag-unlad sa ilalim ng pamumuno ni Mayor Jowar Bautista.