Angat PNP, Nagsagawa ng Evening Formation at Accounting of Personnel

Upang masiguro ang mataas na antas ng disiplina at kahandaan ng bawat kawani, isinagawa ng Angat Municipal Police Station (MPS) ang Evening Formation and Accounting of Personnel ngayong ika-6 ng Mayo, 2026.

Ang aktibidad na naganap bandang alas-7:45 ng gabi ay pinangunahan ni PSSg Israel D. Estimada, Patrol Team Leader, sa ilalim ng direktibong pamumuno ni PMAJ JOEL M. ALBA, Acting Chief of Police.

Ang regular na pagsasagawa ng formation sa gabi ay bahagi ng estratehiya ng himpilan upang siguraduhin na ang bawat miyembro ng kapulisan ay sumusunod sa mga pamantayan at regulasyon ng organisasyon. Tiyakin ang bilang at kinaroroonan ng mga tauhan bago ang pagpapatupad ng mga operasyon sa gabi at ihanda ang bawat pulis sa mabilis na pagresponde sa anumang insidente o tawag ng pangangailangan sa loob ng kanilang nasasakupan.

Ayon sa pamunuan ng Angat MPS, ang ganitong mga hakbang ay mahalaga upang mapanatili ang integridad ng hanay at matiyak na ang publiko ay pinaglilingkuran ng mga pulis na alerto at responsable.