Angat PNP, Naglunsad ng Police Visibility sa Sta. Monica, San Roque

Upang masiguro ang kaligtasan ng publiko at mapanatili ang kaayusan sa mga pangunahing kalsada, masigasig na naglunsad ng Police Visibility Patrol ang mga tauhan ng Angat Municipal Police Station (MPS) sa ilalim ng Bulacan Police Provincial Office (PPO) ngayong ika-20 ng Mayo, 2026.

Ang nasabing operasyon na nagsimula sa ganap na alas-9:11 ng umaga ay pinamunuan ni PSSg Castro, Patrol PNCO, sa ilalim ng direktang gabay at pamumuno ni PMAJ JOEL M. ALBA, Acting Chief of Police (ACOP) ng Angat MPS.

Naging sentro ng aktibidad ang dako ng Sta. Monica sa loob ng Barangay San Roque. Ang madalas na pagpapatrulya at presensya ng mga unipormadong pulis sa lugar ay naglalayong masupil ang kriminalidad at pigilan ang anumang balak na pagsasagawa ng mga ilegal na aktibidad o krimen sa pamamagitan ng aktwal na pagbabantay.

Masusi ding sinusubaybayan ang mga motoristang dumadaan at tiyaking sumusunod ang lahat sa mga regulasyon sa trapiko upang maiwasan ang mga aksidente sa kalsada.

Ayon sa pamunuan ng Angat MPS, ang patuloy na pagpapalawak ng kanilang police visibility sa mga estratehikong lugar ay isang mabisang paraan upang iparamdam sa mga mamamayan na ang kapulisan ay laging handang rumesponde at magbantay sa kanilang seguridad.