Angat PNP, Nagbabala at Nagbigay ng Safety Tips sa Publiko

Bilang bahagi ng kanilang dedikasyon sa pagprotekta sa karapatan at seguridad ng bawat mamamayan, lalo na ng mga kababaihan at kabataan, muling nagpalabas ng mahigpit na babala at paalala ang Angat Municipal Police Station (MPS) sa ilalim ng pamumuno ni PMAJ JOEL M. ALBA, Acting Chief of Police.

Ang kampanyang "STOP RAPE" ay naglalayong itaas ang antas ng kamalayan ng publiko upang maiwasan ang anumang uri ng karahasan at pagsasamantala sa loob ng bayan.

• Maging Alerto sa Paligid: Iwasang maglakad mag-isa sa mga madidilim, liblib, at matataong lugar lalo na sa gabi. Hangga't maaari, humanap ng kasama sa pag-uwi.

• Huwag Magtiwala Agad: Maging mapanuri sa mga taong hindi kakilala o maging sa mga kakilala na nagpapakita ng hindi kaukulang asal o motibo.

• Limitahan ang Pag-inom: Iwasan ang labis na pag-inom ng alak lalo na sa mga pampublikong lugar o kasama ang mga taong hindi lubos na kilala.

• Isumbong ang Kahina-hinalang Kilos: Agad na ipagbigay-alam sa mga awtoridad o sa pamunuan ng barangay kung may napapansing kahina-hinalang tao na umaaligid sa inyong lugar.

  
  

Binigyang-diin ng Angat MPS na ang pag-uulat ng anumang insidente ay mahalaga upang agad na maibigay ang kaukulang tulong at mapanagot ang mga maysala.