Angat MPS, Ginunita ang Ika-128 Araw ng Kasarinlan ng Pilipinas

Buong-giting na nakiisa ang mga tauhan ng Angat Municipal Police Station sa pagdiriwang ng Ika-128 Araw ng Kasarinlan ng Pilipinas na ginanap sa harapan ng kanilang himpilan sa Barangay San Roque ngayong Biyernes, Hunyo 12, 2026.

Ang makasaysayang aktibidad ay pinangunahan ni Police Captain (PCPT) Mirari S. Cruz, Duty Officer of the Day (OD), sa ilalim ng direktang superbisyon ni Police Major (PMAJ) Joel M. Alba, Acting Chief of Police (ACOP) ng Angat MPS, at katuwang ang Bulacan Police Provincial Office (PPO). Ngayong taon, ipinagdiwang ang okasyon sa ilalim ng temang "Kalayaan, Kinabukasan, at Kasaysayan."

Layunin ng aktibidad na ito na itaguyod ang pagkamakabayan o patriotism, bigyang-pugay ang kabayanihan at mga sakripisyo ng ating mga ninuno, at ipaalala sa publiko ang kahalagahan ng pagpapanatili ng kalayaan, pagkakaisa, at soberanya ng bansa.

Kasabay ng pagdiriwang, hinikayat din ng pamunuan ng Angat MPS ang bawat miyembro ng komunidad na aktibong lumahok sa mga gawaing gumugunita sa kasaysayan ng bansa. Binigyang-diin ng kapulisan ang patuloy na pagbuhay sa nasyonalismo at ang pagiging isang responsable at tapat na mamamayan para sa mas maunlad at malayang kinabukasan ng bayan ng Angat.