Weighing on School Children (Matias A. Fernando Memorial School)

(June 23, 2025) — Sa patuloy na pagtutok ng lokal na pamahalaan ng Bayan ng Angat sa kapakanan at kalusugan ng mga kabataan, isinagawa ang isang komprehensibong programa ng pagtitimbang sa mga mag-aaral mula sa Matias A. Fernando Memorial School bilang bahagi ng masusing monitoring ng nutritional status ng mga bata.

Layunin ng gawaing ito na matukoy ang mga batang maaaring nakararanas ng malnutrisyon, kabilang ang mga kulang sa timbang, sobra sa timbang, at iba pang indikasyon ng hindi balanseng nutrisyon. Sa tulong ng mga guro, Lingkod Lingap sa Nayon, Mother Leaders, at mga kinatawan mula sa Municipal Nutrition Office, masusing isinagawa ang pagsusuri upang makakalap ng tamang datos. Ang mga impormasyong ito ay magsisilbing batayan sa pagbuo ng mga programang tutugon sa mga pangangailangan ng mga mag-aaral, tulad ng feeding programs, nutrisyonal na seminar para sa mga magulang, at mas pinaigting na kampanya sa wastong pagkain at kalinisan.

Itinuturing ito ng lokal na pamahalaan bilang isang mahalagang hakbang upang masiguro ang malusog na pangangatawan ng mga kabataan, na siyang pundasyon ng kanilang maayos na pagkatuto at tagumpay sa hinaharap.