Ulan, Hindi Hadlang sa Makulay na Parada ng mga Karosa sa GulayAngat Festival 2025

ANGAT, BULACAN — Hindi napigilan ng buhos ng ulan ang sigla at kasiyahan ng mga Angatenyo sa opening salvo ng GulayAngat Festival 2025, kung saan tampok ang Parada ng mga Karosa na nagpakitang-gilas ang iba’t ibang barangay sa kanilang malikhaing likha. 🌿🎉

Sa kabila ng maulang panahon, masiglang nagmartsa ang mga kalahok sa kalsada, dala ang kani-kanilang makukulay, makasining, at tematikong karosa na kumakatawan sa kultura, agrikultura, at pagkakaisa ng Bayan ng Angat.

Kasalukuyang papalapit na sa Angat Municipal Hall ang mga kalahok na karosa upang husgahan at itanghal kung aling barangay ang makakasungkit ng titulo ng Pinakamagandang Karosa ng GulayAngat Festival 2025.

Tunay na sa kabila ng ulan, walang makapipigil sa diwa ng pagkakaisa at pagdiriwang ng mga Angatenyo — dahil sa GulayAngat, lagi tayong ANGAT sa saya, sining, at pagkakaisa! 💚🌽