Enforcement Training for Land Use and Zoning Ordinance, Isinagawa

Matagumpay na naisagawa ng Pamahalaang Bayan ng Angat ang Enforcement Training for Land Use and Zoning Ordinance noong July 16-18, 2025.

Pinangasiwaan ang pagsasanay ng Department of Human Settlements and Urban Development (DHSUD).

Layunin nito na mas palawakin at palalimin ang kaalaman ng mga opisyal at kawani ng Pamahalaang Bayan kaugnay ng mga tamang proseso, alituntunin at regulasyon sa klasipikasyon at pagpapalit-klasipikasyon ng mga lupain (agricultural, subdivision, residential, commercial, industrial, at cemetery/memorial park).

Ipinaunawa sa pagsasanay kung gaano kahalaga ang pagpapatupad ng local zoning ordinance sa usapin ng pagtitiyak na nakakatugon at nakaayon sa land use plan sa sustenableng kaunlaran ng Bayan ng Angat.