Brgy. Sta. Cruz, Nakiisa sa Patuloy na Pagpapanatili ng Kalinisan ng Komunidad

Muling nagsagawa ng kanilang Weekly Clean-Up Drive ang pamunuan ng Barangay Sta. Cruz ngayong Oktubre 24, 2026.

Nagtulong-tulong ang mga opisyal at residente sa paglilinis ng mga pangunahing daanan, kanal, at mga pampublikong pasilidad upang panatilihing maayos at ligtas ang kapaligiran ng komunidad.

Binigyang-diin ng pamunuan ng barangay ang kahalagahan ng patuloy na kooperasyon ng bawat mamamayan upang mapanatili ang kalinisan at maiwasan ang anumang banta ng karamdaman sa pamayanan.

Nagpaabot ng taos-pusong pasasalamat ang Barangay Sta. Cruz sa lahat ng nakiisa at nag-alay ng kanilang panahon sa lingguhang aktibidad na ito.