Sa unang pagkakataon po ay naglakas-loob ang Bayan ng Angat na makilahok sa ilang kompetisyon na nakapaloob sa Singkaban Festival 2023—ang taunang pestibidad para sa lalawigan ng Bulacan.
Ikinagagalak po naming ibalita na nakapag-uwi po tayo ng mga karangalang maipagmamalaki sa kabila ng marami pa nating limitasyon gaya ng karanasan, kakapusan sa rekurso at panahon ng paghahanda.
Congratulations at maraming salamat sa mga naging susi upang makamit ang maga tagumpay na ito laluna sa mga naging kinatawan sa patimpalak:
Bb. Sharmaine Carlon
Reyna ng Singkaban 2023 Top 12 Finalist
Bulacan Choice Award-Glam Shot
GulayAngat Karosa
Second Placer
Parada ng mga Karosa
GulayAngat Festival Dancers
Karangalang Banggit
Indakan sa Kalye
Sa makulay at masayang buwan ng Setyembre, ang Angat ay gumuhit ng isang makasaysayang kuwento sa Singkaban Festival 2023. Ito ay kuwento ng pagkakaisa at determinasyon ng ating bayan. Bagamat baguhan, hindi mapipigilan ang ating masidhing hangarin na ipakilala ang ating bayan sa buong lalawigan. Ang ating paglahok ay nagpapakita na ang pagkakaroon ng malasakit sa ating kultura at ang pagsusumikap ng bawat isa ay nagdadala ng karangalan at buhay sa ating bayan.
Para sa Pamahalaang Bayan ng Angat, magandang simula na itong maituturing upang patuloy nating maitambol at maipakita sa buong mundo ang angking husay at galing ng lahing Angatenyo!
.png)
Comments