Traffic Advisory: Mga Apektadong Ruta sa Angat para sa Ecomiles Fun Run

Naglabas ng babala ang Angat Local Youth Development Council (LYDC) sa mga motorista at commuters kaugnay ng inaasahang mabigat na daloy ng trapiko bukas, Abril 25, 2026.

Ito ay bunsod ng idadaos na "Ecomiles Learners Smile Fun Run 2026" na gaganapin sa mga pangunahing kalsada sa bayan.

Ayon sa advisory, ang trapiko ay inaasahang magiging abala simula 4:00 AM hanggang 9:00 AM sa mga sumusunod na lugar:

• Gen. Alejo Santos Highway: Mula Angat Police Station hanggang Himlayan.

• M. Valte Road: Sakop ang mga barangay ng San Roque, Sta. Lucia, Baybay, at Banaban.

Pinapayuhan ng mga awtoridad ang mga motorista na planuhin nang maaga ang kanilang biyahe o humanap ng alternatibong ruta kung maaari upang makaiwas sa abala at pagkaantala.

Humihingi rin ng pang-unawa at kooperasyon ang Angat Local Youth Development Council mula sa publiko upang matiyak ang maayos at ligtas na daloy ng naturang aktibidad para sa lahat ng mga kalahok.