SB ng Pulong Yantok, Binalangkas ang mga Proyekto para sa 2026 sa Unang Buwanang Sesyon

Pormal na binuksan ng Sangguniang Barangay ng Pulong Yantok ang kanilang lehislatibong gawain para sa taong 2026 sa isinagawang Monthly Session ngayong ika-5 ng Enero.

Sa ilalim ng pamumuno ng Punong Barangay at sa pakikilahok ng mga Kagawad, naging sentro ng talakayan ang paglalatag ng mga priority projects para sa unang kwarter ng taon. Kabilang sa mga tinalakay ang pagpapaigting ng seguridad sa komunidad, mga programang pangkalusugan, at ang pagpapatuloy ng mga proyektong pang-imprastraktura na makikinabang ang mga residente.

Binigyang-diin din sa sesyon ang kahalagahan ng transparensya sa pamamahala at ang mabilis na pagtugon sa mga pangangailangan ng bawat sition sa barangay. Ang regular na pagpupulong na ito ay bahagi ng mandato ng Sangguniang Barangay upang masiguro na ang bawat pondo at programa ay nailalaan nang tama para sa ikabubuti ng lahat.