Responsableng Pagpapamilya, Tinalakay sa ‘Usapan Buntis’ ng Angat RHU

Binigyang-diin ng Angat Rural Health Unit (RHU) ang kahalagahan ng wastong agwat ng pagbubuntis at responsableng pagpapamilya sa idinaos na “Usapan Buntis on Family Planning” nitong ika-27 ng Enero, 2026.

Ginanap ang aktibidad sa MHO Conference Room sa Barangay Sta. Cruz, kung saan tinipon ang mga nagdadalang-tao upang mabigyan ng sapat na impormasyon tungkol sa iba’t ibang metodo ng Family Planning. Layunin ng programang ito na ituro sa mga ina ang kahalagahan ng pagpaplano ng pamilya upang masigurong mabibigyan ng sapat na atensyon, nutrisyon, at magandang kinabukasan ang bawat anak.

Ayon sa mga kinatawan ng Municipal Health Office, ang Family Planning ay hindi lamang tungkol sa paglimita sa bilang ng anak, kundi tungkol sa pangangalaga sa kalusugan ng ina at sanggol. Sa pamamagitan ng tamang agwat ng panganganak, nababawasan ang panganib ng mga komplikasyon sa kalusugan. Ang inisyatibong ito ay bahagi ng mas malawak na programa ng administrasyong Bautista para sa Maternal and Child Health Care.