PESO Angat, Nagbigay-Kaalaman sa 75 Benepisyaryo ng DOLE TUPAD Program

Matagumpay na idinaos ng Public Employment Service Office (PESO) ng Angat, Bulacan ang orientation para sa mga benepisyaryo ng Tulong Panghanapbuhay sa ating Disadvantaged/Displaced Workers (TUPAD).

Ang aktibidad ay ginanap noong Disyembre 1, 2025, sa Municipal Gymnasium ng bayan.

May kabuuang 75 benepisyaryo ang dumalo sa orientation. Ang TUPAD ay isang community-based emergency employment program ng Department of Labor and Employment (DOLE).

Ang programa ay naglalayong magbigay ng pansamantalang trabaho sa mga displaced workers (nawalan ng trabaho), underemployed (hindi sapat ang kinikita), at seasonal workers (mga manggagawa sa panahunan) na naapektuhan ng kalamidad o krisis.