Pamahalaang Barangay ng Banaban, Patuloy ang Kampanya sa Malinis at Ligtas na Kapaligiran

Muling nagkaisa ang pamunuan at mga residente ng Barangay Banaban sa isinagawang Weekly Clean-Up Drive ngayong Sabado, Setyembre 19, 2026.

Layunin ng lingguhang aktibidad na ito na panatilihing malinis, maayos, at ligtas sa mga sakit—tulad ng dengue—ang mga kalsada, kanal, at pampublikong lugar sa buong barangay.

Sa pamamagitan ng patuloy na pagtutulungan ng mga opisyal ng barangay at ng komunidad, muling naipakita ang lakas ng diwa ng bayanihan sa pagpapanatili ng kagandahan at kalinisan ng kapaligiran.

Nagpaabot ng pasasalamat ang Pamahalaang Barangay ng Banaban sa lahat ng mga residenteng patuloy na nag-uukol ng oras at tulong para sa kabutihan at kalusugan ng buong pamayanan.